Президент присудил премии «За духовное возрождение» и специальные премии деятелям культуры и искусства 2015 года

Президент присудил премии «За духовное возрождение» и специальные премии деятелям культуры и искусства 2015 года. Одним из лауреатов стал коллектив Республиканского научно-практического центра «Мать и дитя».

Разгледзеўшы прадстаўленнi Мiнiстэрства культуры i савета фонду Прэзiдэнта Рэспублiкi Беларусь па падтрымцы культуры i мастацтва, узгодненыя з кiраўнiцтвам Беларускай праваслаўнай царквы, пастанаўляю:

1. За актыўную дзейнасць у гуманiтарнай галiне, што садзейнiчае захаванню i памнажэнню нацыянальнага культурнага здабытку, выхаванню ў моладзi любовi да Айчыны, умацаванню духоўных каштоўнасцей i мастацка–маральных традыцый, iдэй чалавекалюбства, дабрачыннасцi i мiласэрнасцi, прысудзiць прэмiю Прэзiдэнта Рэспублiкi Беларусь «За духоўнае адраджэнне» 2015 года:

аўтарскаму калектыву ў складзе Харашэвiч Алены Iванаўны, пазаштатнага супрацоўнiка галоўнай дырэкцыi мiжнароднага вяшчання (радыё «Беларусь») Беларускага радыё, i Шаркова Анатоля Васiльевiча, прафесара кафедры крымiнальна–выканаўчага права ўстановы адукацыi «Акадэмiя Мiнiстэрства ўнутраных спраў Рэспублiкi Беларусь», — за стварэнне кнiгi–рэквiема «Жыць i памятаць»;

епiскапу Барысаўскаму i Мар’iнагорскаму Венiямiну (Тупеку Вiталiю Iванавiчу), кiраўнiку мясцовага рэлiгiйнага аб’яднання «Барысаўская епархiя Беларускай праваслаўнай царквы», — за асабiсты ўклад у духоўнае адраджэнне Беларусi, асветнiцкую i дабрачынную дзейнасць;

калектыву дзяржаўнай установы «Рэспублiканскi навукова–практычны цэнтр «Мацi i дзiця» Мiнiстэрства аховы здароўя Рэспублiкi Беларусь — за вялiкi ўклад ва ўмацаванне iдэй чалавекалюбства i мiласэрнасцi, паспяховую рэалiзацыю мерапрыемстваў па захаваннi жыцця i здароўя мацi i дзяцей;

калектыву ўстановы «Нацыянальны мастацкi музей Рэспублiкi Беларусь» — за рэалiзацыю выставачных праектаў, накiраваных на ўмацаванне хрысцiянскiх духоўных каштоўнасцей у сучасным грамадстве;

Курэчку Чаславу Мечыслававiчу, пробашчу рэлiгiйнай абшчыны «Парафiя Святой Тройцы ў в. Росiца Верхнядзвiнскага раёна мясцовага рэлiгiйнага аб’яднання «Вiцебская дыяцэзiя Рымска–каталiцкага касцёла ў Рэспублiцы Беларусь», — за актыўную духоўна–асветнiцкую дзейнасць, асабiсты ўклад у захаванне мiжканфесiйнага мiру i нацыянальнай згоды, прапаганду здаровага ладу жыцця.

2. Мiнiстэрству культуры ажыццявiць выплату прэмiй Прэзiдэнта Рэспублiкi Беларусь «За духоўнае адраджэнне» 2015 года са сродкаў фонду Прэзiдэнта Рэспублiкi Беларусь па падтрымцы культуры i мастацтва.

3. Вызвалiць сумы прэмiй, атрыманых у адпаведнасцi з дадзеным Указам, ад абкладання падаходным падаткам з фiзiчных асоб.

4. Дадзены Указ уступае ў сiлу з дня яго падпiсання.

Разгледзеўшы прадстаўленнi Мiнiстэрства культуры i савета фонду Прэзiдэнта Рэспублiкi Беларусь па падтрымцы культуры i мастацтва, пастанаўляю:

1. За выдатныя дасягненнi ў галiне музычнага, выяўленчага i тэатральнага мастацтва, кiнавiдэамастацтва, музейнай справы, патрыятычным выхаваннi моладзi, якiя атрымалi грамадскае прызнанне, прысудзiць спецыяльную прэмiю Прэзiдэнта Рэспублiкi Беларусь дзеячам культуры i мастацтва 2015 года:

аўтарскаму калектыву галоўнай дырэкцыi «Агенцтва тэлевiзiйных навiн» Нацыянальнай дзяржаўнай тэлерадыёкампанii ў складзе Бардзiлоўскай Наталлi Уладзiмiраўны, карэспандэнта спецыяльнага аддзела навiн культуры, Даўгаполава Алега Яўгеньевiча, галоўнага рэжысёра, Равуцкага Мiхаiла Мiкалаевiча, загадчыка аддзела навiн культуры, — за стварэнне гiсторыка–дакументальнага серыяла «Яны спявалi за Радзiму» i iншых музычных праграм, накiраваных на патрыятычнае выхаванне моладзi;

аўтарскаму калектыву ў складзе Апанасевiча Паўла Андрэевiча, галоўнага навуковага супрацоўнiка лабараторыi нелiнейнай оптыкi дзяржаўнай навуковай установы «Iнстытут фiзiкi iмя Б.I.Сцяпанава Нацыянальнай акадэмii навук Беларусi», Гiнака Сяргея Мiкалаевiча, першага намеснiка генеральнага дырэктара таварыства з абмежаванай адказнасцю «Магiя святла», Танiна Леанiда Вiктаравiча, старшынi савета дырэктараў закрытага акцыянернага таварыства «Галаграфiчная iндустрыя», — за значны ўклад у захаванне нацыянальных духоўных традыцый i стварэнне вiзуальных вобразаў праваслаўных святынь з дапамогай галаграфiчных тэхналогiй;

аўтарскаму калектыву дзяржаўнай тэатральна–вiдовiшчнай установы «Нацыянальны акадэмiчны Вялiкi тэатр оперы i балета Рэспублiкi Беларусь» у складзе Касцючэнкi Аляксандра Аляксандравiча, галоўнага мастака, i Панджавiдзэ Мiхаiла Аляксандравiча, галоўнага рэжысёра, — за выдатныя дасягненнi ў развiццi сучаснага опернага мастацтва i пастаноўку спектакля «Царская нявеста»;

Бельскаму Антону Георгiевiчу, выкладчыку кафедры манументальна–дэкаратыўнага мастацтва ўстановы адукацыi «Беларуская дзяржаўная акадэмiя мастацтваў», — за выкананне роспiсаў у храме Iаана Прадцечы Свята–Узнясенскага жаночага манастыра ў г.п. Баркалабава Быхаўскага раёна Магiлёўскай вобласцi;

калектыву дзяржаўнай установы «Нацыянальны акадэмiчны драматычны тэатр iмя М.Горкага» — за значны ўклад у захаванне нацыянальных культурных традыцый, стварэнне на высокiм мастацкiм узроўнi спектакля «Пясняр»;

калектыву ўстановы «Беларускi дзяржаўны маладзёжны тэатр» — за значныя творчыя дасягненнi, вялiкi ўклад у развiццё i папулярызацыю тэатральнага мастацтва;

калектыву ўстановы «Беларускi дзяржаўны музей гiсторыi Вялiкай Айчыннай вайны» — за значны ўклад у развiццё музейнай справы i патрыятычнае выхаванне насельнiцтва;

Касцючэнку Канстанцiну Аляксандравiчу, старшаму выкладчыку кафедры скульптуры ўстановы адукацыi «Беларуская дзяржаўная акадэмiя мастацтваў», — за стварэнне манумента «Брама памяцi» мемарыяльнага комплексу «Трасцянец» i iншых твораў манументальнага мастацтва;

Кузняцову Анатолiю Васiльевiчу, мастаку, члену грамадскага аб’яднання «Беларускi саюз мастакоў», — за шматгадовую творчую дзейнасць i стварэнне высокамастацкiх жывапiсных твораў;

узорнаму ансамблю «Аношкаўскiя музыкi» дзяржаўнай установы адукацыi «Аношкаўская дзiцячая школа мастацтваў» Нясвiжскага раёна Мiнскай вобласцi — за вялiкi ўклад у захаванне нацыянальных мастацкiх традыцый i актыўную канцэртную дзейнасць.

2. Мiнiстэрству культуры ажыццявiць выплату спецыяльных прэмiй Прэзiдэнта Рэспублiкi Беларусь дзеячам культуры i мастацтва 2015 года са сродкаў фонду Прэзiдэнта Рэспублiкi Беларусь па падтрымцы культуры i мастацтва.

3. Вызвалiць сумы прэмiй, атрыманых у адпаведнасцi з дадзеным Указам, ад абкладання падаходным падаткам з фiзiчных асоб.

4. Дадзены Указ уступае ў сiлу з дня яго падпiсання.

Советская Белоруссия № 1 (24883). Вторник, 5 января 2016